دەوڵەتی باشووری کوردستان

       لە بیرەوەری سەدەمین ساڵڕۆژی ڕێکەوتننامەی شێخ مەحمودی حەفید و ئارنۆڵد وێڵسن حاکمی مەدەنی بەریتانی لە عێراق، کە تەنها سێ هەفتە پاش ئاگربەستی یەکەمین جەنگی جیهانی لە شاری سلێمانی بۆ دروستکردنی ( دەوڵەتی باشووری کوردستان) ئیمزاکرا، ڕۆژی ٢٠١٨/١٢/١ مەڵبەندی کوردۆلۆجی زانکۆی سلێمانی سیمینارێکی بۆ نووسەروشڕۆڤەکاری سیاسی بەڕێز ( د.ئاوات ئەسعدی ) سازکرد.
لەم سیمینارەدا کە ژمارەیەکی زۆر لە مامۆستایانی زانکۆ و نوسەران و ڕۆشنبیران ئامادەیبوون، ئەسعدی تیشکی خستە سەر پوختەی ڕێکەوتننامەکە و هۆکارەکانی پشت شکستهێنانی ڕێکەوتننامەکە و ئەوفاکتەرانەی کە لە پشت دروستنەبوونی دەوڵەتی  کوردییە وە  بوون.

شایەنی باسە ئامادەبووانی سیمینارەکە، بە پرسیار و سەرنج و تێبینیەکانیان سیمینارەکەیان دەوڵەمەند کرد.

د.ئاوات ئەسعەدی:

- ساڵی ١٩٦٥ لە شاری کەرکوک لە دایک بووە.

- ماستەر و دکتۆرای لە ئەڵمانیا بەدەستهێناوە.

- چەندین بابەتی لەبارەی ڕاگەیاندن و مێژووی کوردەوە نووسیوە و چەند کتێبێکی بە

 زمانی عەرەبی و ئەڵمانی بڵاو کردۆتەوە.

- دواکتێبی بە زمانی عەرەبی ( العراق الجغرافی، مطالعات وافیە فی الآدب الجغرافی

 العربی- الاسلامی، دارالفارابی- بیروت)

- هەروەها چەندین کۆڕی لە بارەی کێشەی کورد و عێراقەوە، لە شارەکانی

 (بۆن،لۆکۆم،فڕانکفۆرت،بەرلین،ماڵتا) بۆ سازکراوە.

- ئێستا ئەندامی دەستەی بەڕێوەبەری ناوەندی لێکۆڵینەوەی کوردی یە لە شاری(بۆن) لە

 ئەڵمانیا.